Як мы прымаем рашэнні? Наколькі нашыя кагнітыўныя стратэгіі надзейныя? Што замінае нам быць аб'ектыўнымі? На гэтыя і некаторыя іншыя, ня менш важныя пытанні, пытанні у надзвычай кароткай, інфарматыўнай і кампетэнтнай форме адказвае прафесар нейрабіялогіі Васіль Ключароў.
Да пэўнага моманту чалавеку не ўласціва задумвацца над якасцю ўласнага мыслення. Эпістэмалагічныя пытанні патрабуюць пэўнага ўзроўню адукацыі і асэнсаванасці. Зрэшты, падобнае шчаслівае няведанне многія праносяць праз усё жыццё, апантана абараняючы ад подлых нападак скептыкаў: «у гэтых бязбожнікаў няма нічога святога!» Але частка людзей такі робіць намаганне, якое дазваляе пераадолець гравітацыю веры ў паўнату ўласнага светапогляду. Вырываючыся па-за рамкі сваёй абмежаванасці, адкідаючы пры гэтым груз прымхаў, шаблонаў і догмаў — усё тое, што робіць немагчымым выхад на арбіту самасвядомасці, гэтыя людзі атрымліваюць магчымасць глядзець на ўсё з зусім іншай кропкі гледжання.
Што менавіта можна ўбачыць з гэтай арбіты — тэма мноства доследаў і найцікавейшых кніг многіх пакаленняў навукоўцаў. Але ёсць людзі, якім хочацца ня проста займацца даследчыцкай працай, але яшчэ і дзяліцца сваімі ведамі з шырокай аўдыторыяй. Васіль Ключароў — адзін з такіх спікераў. Інфармацыя, якой ён дзеліцца, гэта тое, што называецца must have, у справе асэнсавання сябе з навуковага, практычнага гледзішча.
