Дзмітрый Жукаў — адзін з найлепшых лектараў у рунэце, што спецыялізуецца на тэме біялогіі паводзінаў.
Безумоўна, каб у дастатковай ступені стаць абазнаным у гэтай тэме, нельга абысціся адным гэтым відэа. Але інфармацыя і тая форма, у якой яна падаецца, ад гэтага чалавека — сур'ёзная дапамога ў працэсе самаадукацыі дылетантаў (у добрым сэнсе гэтага слова).
Доктар біялагічных навук, прафесар Санкт-Петэрбургскага ўніверсітэта, аўтар 80 навуковых прац і падручніка «Биология поведения. Гуморальные механизмы.»... Чалавек вельмі разумны, кампетэнтны і ўвогуле прыемны. Акрамя таго з талентам лектара: умее пісаць і казаць практычна без вады ды смецця. Чотка і лаканічна. Любіць, што праўда, літаратуру і часта дазваляе сабе шукаць прыклады ў мастацкіх творах, за што стаецца справядліва крытыкаваным. Але... Ну, гэта ягоная асабістая справа. Калі яна ня шкодзіць агульнай справе (а яна ня шкодзіць), то чаму бы і не? У сваіх кнігах падобныя лірычныя адступленні ён вылучае ў асобныя блокі, якія можна прапусціць, не баючыся ўпусціць нешта важнае. У лекцыях... можна проста забіць. Бо вартасць інфармацыі і тая простасць выкладання і цярплівасць, з якой ён яе падае, без аніякіх сумніваў пераводзіць ягоныя лекцыі і кнігі ў катэгорыю Must Read.
